Sut i Osod Amserlenni Gweinyddion

Gyda Ciw fe allwch aseinio amserlenni gwaith cylchol i'r gweinyddion ym mhob gorsaf gwasanaeth. Dangosir amserlen gwaith cylchol enghreifftiol yn y tabl isod:

Amser Sifft	0-10	10-30	30-100
Nifer o Weinyddion	2	0	1

Mae'r amserlen yn gylchol, yna ar ôl y sifft olaf (30-100), mae'r amserlen yn dechrau eto gyda'r sifft (0-10). Hyd y cylchred ar gyfer yr amserlen yma yw 100. Diffinnir hwn gan restr o restrau yn dynodi nifer o weinyddion dylai fod ar ddyletswydd yn ystod y sifft yna, a dyddiad diwedd y sifft:

[[2, 10], [0, 30], [1, 100]]

Fan hyn dywedwn ni fe fydd 2 gweinydd ar ddyletswydd rhwng amseroedd 0 a 10, 0 rhwng 10 a 30, ayyb. Mae hwn yn diffinio'r amserlen gwaith cylchol yn llawn.

I ddweud wrth Ciw am ddefnyddio'r amserlen yma ar gyfer nod penodol, yn Number_of_servers amnewidiwch y cyfanrif gyda'r amserlen:

>>> import ciw
>>> N = ciw.create_network(
...     arrival_distributions=[ciw.dists.Exponential(5)],
...     service_distributions=[ciw.dists.Exponential(10)],
...     number_of_servers=[[[2, 10], [0, 30], [1, 100]]]
... )

Ar ôl efelychu'r system, gwelwn nad oes unrhyw wasanaethau yn dechrau rhwng dyddiadau 10 a 30, na rhwng dyddiadau 110 a 130:

>>> ciw.seed(1)
>>> Q = ciw.Simulation(N)
>>> Q.simulate_until_max_time(205.0)
>>> recs = Q.get_all_records()

>>> [r for r in recs if 10 < r.service_start_date < 30]
[]
>>> [r for r in recs if 110 < r.service_start_date < 130]
[]

Nodwch ar hyn o bryd mae amserlenni gwaith yn anghydnaws gyda nifer anfeidraidd o weinyddion, ac felly ni all amserlen cynnwys nifer anfeidraidd o weinyddion.

Rhagdarfiadau

Pan mae gweinydd angen mynd oddi ar ddyletswydd yng nghanol gwasanaeth cwsmer, mae yna dau opsiwn o beth gall ddigwydd.

• Yn ystod amserlen rhagdarfiedig, fe fydd gweinydd yn stopio ar unwaith ac yn gadael. Pan mae gweinyddion newydd yn dod ar ddyletswydd fe fydden nhw’n blaenoriaethu’r cwsmeriaid a gafodd ei darfu. Ond mae amser gwasanaeth y cwsmeriaid yma yn cael ei ail-samplu.

• Yn ystod amserlen anrhagdarfiedig, nid yw gwasanaethau cwsmeriaid yn cael ei darfu. Felly, mae gweinydd yn gorffen gwasanaeth y cwsmer presennol cyn diflannu. Mae hwn wrth gwrs yn golygu, pan mae gweinyddion newydd yn cyrraedd, efallai bydd yr hen weinyddion dal yna yn gorffen gwasanaeth y cwsmeriaid gwreiddiol.

Er mwyn gweithredu amserlennu rhagdarfiedig neu anrhagdarfiedig, rhaid rhoi’r amserlen mewn tuple, gyda True neu False fel yr ail derm, yn dynodi tarfiadau rhagdarfiedig neu anrhagdarfiedig. Er enghraifft:

Number_of_servers=[([[2, 10], [0, 30], [1, 100]], True)] # rhagdarfiedig

Ac:

Number_of_servers=[([[2, 10], [0, 30], [1, 100]], False)] # anrhagdarfiedig

Mae Ciw yn defnyddio amserlennu anrhagdarfiedig fel yr opsiwn diofyn, felly mae’r cod isod yn awgrymu amserlen anrhagdarfiedig:

Number_of_servers=[[[2, 10], [0, 30], [1, 100]]] # anrhagdarfiedig

Gor-weithio

Mae amserlenni anrhagdarfiedig yn galluogi'r posibilrwydd o gor-weithio, hynny yw gweinyddion yn gweithio ar ôl i'w sifft gorffen er mwyn cwblhau gwasanaeth cwsmer. Mae swm yr amser mae pob gweinydd yn gor-weithio yn cael ei recordio yn priodwedd overtime y gwrthrych Node. Ystyriwch yr enghraifft canlynol:

>>> import ciw
>>> N = ciw.create_network(
...     arrival_distributions=[ciw.dists.Deterministic(3.0)],
...     service_distributions=[ciw.dists.Deterministic(5.0)],
...     number_of_servers=[[[1, 4.0], [2, 10.0], [0, 100.0]]]
... )
>>> Q = ciw.Simulation(N)
>>> Q.simulate_until_max_time(20.0)

>>> Q.transitive_nodes[0].overtime
[4.0, 1.0, 4.0]

Fan hyn gallwn weld fod y gweinydd cyntaf i orffen gweithio wedi gor-weithio am 4.0 uned amser, gwnaeth yr ail gor-weithio am 1.0 uned amser, a gwnaeth y trydydd gor-weithio am 4.0 uned amser.